يااااه !!!
السلام عليكم .. أحبائي ..
تصدقوا انه عدى 10 ليالي من رمضان ؟! أصل أنا مش مصدق .. عدوا ازاي بسرعة كده و يا ترى مين اعتقت رقبته من النار .. انت ؟ .. و لا انت ؟ ..
طيب أخبار رمضان ايه معاكو لحد دلوقتي ها شغالين و لا الهمة ضعفت بعد أول كام يوم ..؟ ان شاء الله رمضان السنادي يكون مختلف على الأمة الاسلامية كلها بالخير و الهداية والقرب من ربنا.
و أحب أذكر نفسي و اياكم بالقرآن .. اوعوا تكونو نسيتو ختمة العيلة و ختمة التدبر ليها طعم تاني اوعى يفوتك ..
والذكر ها واظبت خلاص على أذكار الصباح و المساء و لا انت كنت مظبطها أصلا ؟
اوعى تكون لسه قاطع رحم و لا مزعل حد و لا مش مراضي والديك .. احذر رمضان بيجري الحق نفسك .. لسه فيه فرصة اغتنمها ..
وانتو يا شباب ظبطت صلاة الجماعة ولا لسه الفجر صعب عليك مع ان أنا شخصيا شايف ان صلاة الفجر جماعة في رمضان من أسهل الصلوات لأن الناس بتبقى صاحية للقيام و السحور .. مش معقول تكون بتتسحر و تدخل تنام ... عيييييب.
* يلا يا شباب استعدوا للعشرة الأواخر و ليلة القدر و اتمرنوا في الكام يوم اللى جايين دول على القيام والالتزام و الله المستعان.
** يا رب تقبل منا الشهر يا أكرم الأكرمين **
0 Comments:
رسالة أحدث رسالة أقدم الصفحة الرئيسية
الاشتراك في:
تعليقات الرسالة (Atom)
